Naya Faisla

Election commission ka ek naya faisla hua h jis me wo log jo vote nai dalna chatey hun wo “Khali khane” k option pe nishaan laga den. Is khali option ko akhir dalne ki zarorat pessh kyn pari ? Misaal k tor par America me sirf 2 parties hain republican or democratic or wahan k shehriyoun k liye asaan hai k kisi 2 parties me se apne man pasand umeed waar ko muntakib(select) karna. Mager humare mulk me 50 se zyada parties hain or ba-mushkil 10 k humain naam pta hunge ab in 10 me se Pakistani awaam kis ko muntakib kare?  Tu un ki asaani k liye shayed election commission ne ek khali jaga ka option daal diya hai jis se awam ko faisla karne me koi pareshani na ho. Election commission shayad ye bhi soch rha hu k jo log vote daalne nai jatey tu wo log us khali jaga pe nishshan laga den ta k un ki bhi pareshani hal hujae.

Ager hum dosri taraf mulk k halaat ko dekhein tu humain smjh aye ga k humare mulk ko ek naye soch, ek naye tabdilli or ek naye umeed ki bohat zarorat hai or behtar ye hai k “khali khane” k option ko tick lagane se acha h k hum kisi ko vote de den. Mulk ka mustaqbil humare haathon me hai . Tamam surat-e-haal humare samne hain jaali degree, corruption, mehngai. Faisla humare hathon me hai k kam az kam hum apne vote ko zaya na hune dein . Or aakheir me ek baat k Hum me se kitne hi aese log hain jo Election ka intezaaar sirf is liye bhi kar rhey hain k chutiyan ajaein gi mager yad rhey k mulk ko chutiyoun se zyada vote ki zarorat hai. Or ye tabdeeli ki taraf Humara pehla kadam huga.